كيفية الحصول على أعلى دقة قياس لحساس الحرارة ( LM35DZ ) ؟

كلنا عارفين إن حساس الحرارة ( LM35DZ ) من أشهر العناصر المستخدمة في قياس الحرارة و ده لسهولة التعامل معاه و لأنه مش محتاج لعناصر خارجية لتشغيله بس محتاج لوحدة

( Analog To Digital Converter ) السؤال هنا هل في طريقة تانية لزيادة دقة القياس ؟

أولا : خلينا نشوف معادلة التحويل المشهورة و المعروفة :

( Temp = ( 5 x analogRead ( temp pin ) x 100 / 1024

حيث Temp هو المتغير اللي هيتخزن فيه قيمة درجة الحرارة C°

Temp Pin هو رقم الـ Pin المتصل به LM35 , طيب هي المعادلة دي أتحسبت إزاي ؟!

الإجابة : وحدة الـ ADC اللي داخل الميكرو غالبا بتكون 10 بت ( يعني الفولت هيتقارن بـ 1024 مستوى ) و بالتالي قيمة المستوى الواحد تساوي

( 5000mv / 1024 = 4.88 mv )

و بما إن خرج الـ LM35 علي شكل 10mv / 1°C يبقى أقل قيمة درجة حرارة ممكن قياسها هي : 4.88mv / 10mv = 0.488 °C

طيب إزاي ممكن زيادة دقة القياس ( تخفيض قيمة 0.488 C° ) ببساطة إذا غيرنا قيمة الـ Reference Voltage لوحدة ADC و دي الخطوات :

1- تغيير الـ Reference Voltage الى Internal Voltage و قيمته ( 1.1 V )

2- نستخدم المعادلة دي لحساب درجة الحرارة

( Temp = analogue read ( temp pin) x 9.31 )

و بالتالي هنلاحظ إن أقل قيمة ممكن قياسها هي 0.1 C° .