سلسلة دليل المهندس 3

تكملة لسلسلة #دليل_المهندس

الجزء الثالث هنتكلم فيه على العناصر المستخدمة فى التحكم في الأحمال

عادة تنقسم الأحمال البسيطة الى نوعين ( أحمال AC– أحمال DC )

في طرق كتيرة للتحكم طبعا أسهلها هي الريلاي و أصعبها IGBT و TRIAC مع Zero Crossing

أولا : الريلاي و موصفاته عند الشراء :

لما تشتري ريلاي من السوق لازم تعرف قيمتين علشان تختار و هما ( جهد تشغيل الملف – عدد الأرجل )

و دول أشهرهم في سوق الالكترونيات :

JZC-23F : ريلاي 5 طرف مربع و جهد الملف ( 5 فولت – 9 فولت – 12 فولت – 24 فولت – 48 فولت ) تيار الحمل الأقصى 7 – 10 أمبير

SMIH-12VDC-SC-C : ريلاي 5 طرف مستطيل و جهد الملف ( 6 فولت – 9 فولت – 12 فولت – 24 فولت – 110 فولت – 220 فولت ) تيار الحمل 10- 16 أمبير

SMIH-12VDC-SC-2C : ريلاي 8 طرف مستطيل ( 2 كونتاكت ) و جهد الملف ( 6 فولت – 12 فولت – 24 فولت – 220 فولت ) تيار الحمل 5 أمبير

SLC-12VDC-SL-A : ريلاي 4 أو 5 طرف و جهد الملف ( 12 فولت – 24 فولت ) تيار حمل عالي يبلغ 30 أمبير

JQX-8F-1C :ريلاي تيار عالي يصل الى 80 أمبير

HH54P : ريلاي 14 طرف ( 4 كونتاكت ) و جهد الملف ( 12 فولت – 24 فولت – 110 فولت – 220 فولت )

HK19F-DC6V-SG : ريلاي 8 طرف ( 2 كونتاكت ) حجم صغير و جهد الملف ( 6 فولت – 12 فولت – 24 فولت ) تيار الحمل 1 أمبير

كل اللي قلناه فوق ده اسمه ريلاي ميكانيكي و ده معناه ان عمر تشغيله محدود و معرض للتلف بسبب الـ Sparks اللي بتحصل على أطراف الـ Contact و كمان الـ Response time بطئ و كمان بيولد Magnetic Noise عالي اللي ممكن يسبب Reset للمايكرو وأنت شغال عليه

هنتكلم في البوست اللي جاي ان شاء الله عن الأنواع التانية فى طرق التحكم في الأحمال زي استخدام Thruster , Trice , Solid State